Virðing-Samvinna-Árangur

Read in english  EnglishVeftré - Skrifstofa

 

 

 

HÖN-1036

Textíláfangi þar sem nemendur hanna og endurvinna upp úr notuðu hráefni. Nemendur hafa valkosti með vinnulag t.d að sauma, prjóna hekla eða hvað sem er til þess að verkefnið verði fullgert einnig má blanda saman hráefnum og aðferðum. Þessi vinna er nýsköpun þar sem fatnaður og fleira skiptir um hlutverk. Í kennslustofunni er leðursaumavél sem er kjörin til þess að vinna t.d.töskur og annað upp úr gömlu leðri. Verkefnin geta verið fatnaður, fylgihlutir, innanstokksmunir, púðar og fleira sem fólki dettur í hug.
  • Undanfari: Enginn

HÖS-2024

Að loknu námi í þessum áfanga á nemandi að hafa kynnst og öðlast skilning á grunnþáttum skipahönnunar og þeim lögmálum sem skip þurfa að lúta til þess að þau teljist örugg og fullnægi helstu hönnunarkröfum um burðargetu og hagkvæmni í rekstri. Í áfanganum á nemandi að öðlast þekkingu á álagi frá sjó og farmi á skipsbol og þilför, skilning á samspili særýmis og fríborðs gagnvart eigin þyngd skips og hleðslu þess. Nemandinn á að hafa skilning á þeim kröftum sem ráða stöðugleika skipa, þeim þáttum sem hafa áhrif á stöðugleikann og hvernig samspili þessara krafta háttar fyrir mismunandi gerðir og hleðslu skipa.
Nemandinn öðlast þekkingu og skilning á þeim þáttum sem ráða siglingamótstöðu skipa, þeim þáttum sem geta haft áhrif á mótstöðuna og geta lagt mat á aflþörf skips og gerðar skrúfubúnaðar á grundvelli mótstöðuferils til að ná tilteknum ganghraða. Á grundvelli upplýsinga um mótstöðuferil skips getur nemandi geta lagt mat á eldsneytisnotkun við mismunandi ganghraða.
  • Undanfari: HÖS 102

HÖS-1024

Til þess að skip geti sinnt og fullnægt tilteknum hönnunarkröfum, þurfa þau að fullnægja fjölbreytilegum hönnunar-, rekstrar-, öryggis- og aðbúnaðarkröfum. Í þessum áfanga er fjallað með mjög almennum hætti um skipið og einstaka hluta þess, m.a með tilliti til nafngifta og þeirra hlutverka sem einstök stoðkerfi um borð í skipum gegna. Kynna skal nemendum teikningar af fyrirkomulagi skipa, teikningar af dæmigerðu geymafyrirkomulagi, teikningar af brunaniðurhólfun og dæmigerðar kerfisteikningar af vélbúnaði og rafbúnaði skipa, Þá skulu nemendur fara um borð í skip og kynna sér fyrirkomulag þess og búnað.

IFH-2036

Nemandinn öðlast frekari skilning á efnafræði hárlitunar- og permanentefna. Farið er í lykilorð við lestur leiðbeininga með hársnyrtiefnum á ensku og e.t.v. fleiri tungumálum. Hár skoðuð í smásjá, verklýsingar. Haldið er áfram umfjöllun um verklýsingar, stöður og vinnustellingar og þjónustufræði. Í áfanganum er farið í þróun hártísku í gegnum tíðina og hvað einkennir stílbrigði ólíkra tímabila. Helstu grunnatriði er móta persónuleika manna og stjórna athöfnum þeirra og samskiptum í daglegu lífi og viðskiptum.
  • Undanfari: IFH 103

IFH-1036

Nemandinn fræðist um ph-gildi hárs og grunnþætti Pivot Point kerfisins. Fjallað er um mannleg samskipti og persónulegt hreinlæti, stöður og vinnustellingar. Nemandinn fær innsýn í þjónustufræði og áttar sig á mikilvægi persónulegrar og fagmannlegrar þjónustu við viðskipatvini. Farið í gegnum byggingareiningar hársins og prótínið keratín. Farið er í lykilorð við lestur leiðbeininga með hársnyrtiefnum á ensku og e.t.v. fleiri tungumálum. Hann öðlast skilning á efnafræði hárlitunar- og permanentefna.Meginmarkmið áfangans eru: að neminn kynnist uppbyggingu og vexti hársins; hárið skoðað með smásjá; pH gildi hárs og efna sem hotuð eru í faginu; notkun áhalda í faginu; Pivot Point hugtökum og klippiformum og kynnist einnig grunnatriðum þjónustufræði.
  • Undanfari: Enginn
                                                                         SFR2016 SFR2017 SFR2018                                    
   SFR2014
Heilsueflandi2019  SFR2015