Hirðfíflast á Dimissio

DimissioH2019 01Föstudaginn 29. nóvember buðu væntanlegir útskriftarnemendur til hátíðar á sal þegar komið var að dimissio þessa önnina.

Þá kveður útskriftarhópurinn kennara og nemendur skólans með ýmis konar uppákomum. Að þessu sinni var hópurinn klæddur eins og hirðfífl.

Fyrst var verðlaunaafhending en þar fékk útskriftarhópurinn langþráð tækifæri til að veita kennurum sínum viðurkenningar fyrir frammistöðu sína. Þar komu m.a. við sögu kóngur og drottning skólans, ástríðufyllsti kennarinn og fleiri.  Hápunkturinn var svo þegar besti kennarinn var valinn og þar varð Anna Rún Jóhannsdóttir sálfræðikennari fyrir valinu að þessu sinni. Það er orðin hefð fyrir því að á dimissio sé boðið upp á stuttmynd um lífið í skólanum og þar var m.a. fjallað um mötuneytið og langar göngiferðir. 

Kvöldið áður var boðið upp á skemmtun á sal þar sem útskriftarnemendur og starfsfólk skólans hittust og gerðu sér glaðan dag.  Boðið var upp á veitingar og nemendur skipulögðu leiki þar sem mikið gekk á.

Myndasafn frá dimissio og skemmtikvöldi eru í myndasafninu.

DimissioH2019 02

DimissioH2019 03

DimissioH2019 04

DimissioH2019 05

DimissioH2019 06