Virðing-Samvinna-Árangur

Read in english  EnglishVeftré - Skrifstofa

 

 

 

Veftré

Vel falin Dimissio

DimissioV2016 Frett01Föstudaginn 29. apríl buðu væntanlegir útskriftarnemendur til hátíðar á sal þegar komið var að dimissio þessa önnina.

Þá kveður útskriftarhópurinn kennara og nemendur skólans með ýmis konar uppákomum. Að þessu sinn var hópurinn klæddur í felulitum en fór samt ekki framhjá nokkrum manni!

Hópurinn byrjaði á því að skemmta samnemendum sínum á göngum og láta tónlist glymja á sal skólans. Það er orðin hefð fyrir því að á dimissio sé boðið upp á stuttmynd um lífið í skólanum en þar var sýnt frá kennslu í ýmsum greinum.  Myndin var vel heppnuð og þar komu Adam og Eva, Emil í Kattholti og Sérsveitin m.a. fyrir í sömu myndinni.  Að lokinni kvikmyndasýningunni fór fram verðlaunaafhending en þar fékk útskriftarhópurinn langþráð tækifæri til að veita kennurum sínum viðurkenningar fyrir frammistöðu sína. Þar komu m.a. við sögu fyndnasti kennarinn, drottningin og kóngurinn, fatafríkið og teymið.  Hápunkturinn var svo þegar besti kennarinn var valinn og varð Þjóðbjörg Gunnarsdóttir (Bagga) fyrir valinu að þessu sinni.

Um kvöldið var síðan hin svokallaða síðasta kvöldmáltíð en þá borða útskriftarnemendur og starfsfólk skólans saman og gera sér glaðan dag.

Hér er myndasafn frá Dimissio.

DimissioV2016 Frett02

Heilsueflandi  SFR2014  SFR2015  SFR2016  SFR2017