Virðing-Samvinna-Árangur

Read in english  EnglishVeftré - Skrifstofa

 

 

 

Gjafmildir Þemadagar að baki

Temadagar2016 Frett06Þemadagar voru 18. og 19. febrúar og var yfirskrift þeirra Sælla er að gefa en þiggja. 

Einkennisorð daganna vísa til þess að áhersla var á að safna til góðra málefna.  Á fimmtudag voru námskeið og fyrirlestrar og í hádeginu var boðið upp á skemmtiatriði á sal.  Þá var kaffihús í gangi og þar rann allur afrakstur í góðgerðamál.  Það er óhætt að segja að létt og góð stemning hafi verið í skólanum þennan dag og fólk hafi skemmt sér vel enda dagskráin fjölbreytt og skemmtileg.  Á föstudag var boðið upp á glæsilega dagskrá á sal en þar tróðu nemendur upp auk skemmtikrafta úr öllum áttum.  Um leið var markaður í gangi en þar gátu gestir og gangandi fest kaup á varningi sem nemendur og kennarar höfðu gefið.  Hagnaðurinn af markaðinum rennur til góðs málefnis eins og af kaffihúsinu.  Nokkrir kennarar buðust til að fá rjómatertu í andlitið gegn vægu gjaldi og nemendur notuðu það tækifæri vel og létu um leið nokkrar krónur af hendi rakna í söfnun daganna.  Nemendum 10. bekkjar á svæðinu var sérstaklega boðið að sækja dagskrána á föstudag og mættu nemendur nokkurra grunnskóla.  Við þökkum þeim kærlega fyrir komuna og vonum að þeir hafi haft gaman að heimsókninni.

Eins og áður sagði var þemað í ár Sælla er að gefa en þiggja og hluti dagskrárinnar var helgaður söfnun til góðra málefna.  Á næstunni munu fulltrúar nemenda og kennara kanna hvernig þar tókst til og velja málefni sem munu njóta góðs af söfnuninni.

Í myndasafninu eru myndir frá Þemadögum.

Temadagar2016 Frett04

Temadagar2016 Frett05

Temadagar2016 Frett03

Heilsueflandi  SFR2014  SFR2015  SFR2016  SFR2017