Virðing-Samvinna-Árangur

Read in english  EnglishVeftré - Skrifstofa

 

 

 

Veftré

Guðrún Pálína vann Hljóðnemann

Hjodneminn2015 Frett01

Hljóðneminn, söngkeppni nemendafélagsins NFS, fór fram í Andrews leikhúsinu laugardaginn 24. janúar.  Það var Guðrún Pálína Karlsdóttir sem sigraði og verður því fulltrúi skólans í Söngkeppni framhaldsskólanna síðar í vetur.  Guðrún Pálína flutti lagið Jealous með Labrinth.

Í öðru sæti urðu Sigurður Smári Hansson og Sólborg Guðbrandsdóttir en þau sungu Islands in the Stream sem skötuhjúin Kenny Rogers og Dolly Parton gerðu vinsælt hér um árið.  Þriðji varð svo Guðlaugur Ómar Guðmundsson með All of Me með John Legend.

Keppnin var glæsileg að vanda enda mikið í hana lagt.  Kynnir var enginn annar en Níels Thibaud Girerd, betur þekktur sem Nilli.  Boðið var upp á skemmtiariði í hléum en þar var á ferðinni söngur frá Vox Felix og dansatriði frá Danskompaní en auk þess söng Ásdís Rán sem var fulltrúi skólans í söngkeppni framhaldsskólanna í fyrra.  Í dómnefnd voru Elíza Newman, Íris Dröfn Halldórsdóttir og Björgvin Ívar Baldursson.

Við óskum Guðrúnu Pálínu til hamingju með sigurinn, öðrum keppendum með sína frammistöðu og nemendafélaginu til hamingju með keppnina.

Í myndasafnið er kominn myndapakki frá Hljóðnemanum.
Hér má sjá upptöku af Guðrúnu Pálínu syngja sigurlagið.

Hjodneminn2015 Frett02

Hjodneminn2015 Frett03

Heilsueflandi  SFR2014  SFR2015  SFR2016  SFR2017