Virðing-Samvinna-Árangur

Read in english  EnglishVeftré - Skrifstofa

 

 

 

Löggur á Dimissio

DimissioH2018 Frett1Föstudaginn 30. nóvember buðu væntanlegir útskriftarnemendur til hátíðar á sal þegar komið var að dimissio þessa önnina.

Þá kveður útskriftarhópurinn kennara og nemendur skólans með ýmis konar uppákomum. Að þessu sinni var hópurinn klæddur eins og vígalegir lögregluþjónar.

Fyrst var verðlaunaafhending en þar fékk útskriftarhópurinn langþráð tækifæri til að veita kennurum sínum viðurkenningar fyrir frammistöðu sína. Þar komu m.a. við sögu munnræpan, dívan, vinurinn, kóngur og drottning skólans og fleiri.  Hápunkturinn var svo þegar besti kennarinn var valinn og varð hinn þrautreyndi stærðfræðikennari Gunnlaugur Sigurðsson fyrir valinu að þessu sinni. Það er orðin hefð fyrir því að á dimissio sé boðið upp á stuttmynd um lífið í skólanum og þar var m.a. fjallað um bílastæði og langar göngur.  Í myndinni var líka talað við kennara sem sögðu skemmtilegar sögur úr kennslustundum.  Að lokum söng hópurnn svo lítið lag með frumsömdum texta. 

Kvöldið áður var boðið upp á skemmtun á sal þar sem útskriftarnemendur og starfsfólk skólans hittust og gerðu sér glaðan dag.  Boðið var upp á veitingar og nemendur skipulögðu leiki þar sem mikið gekk á.

Hér er svo myndasafn frá Dimissio.

DimissioH2018 Frett2

DimissioH2018 Frett3

DimissioH2018 Frett4

SFR2014 SFR2015 SFR2016 SFR2017 SFR2018
    Heilsueflandi