Virðing-Samvinna-Árangur

Read in english  EnglishVeftré - Skrifstofa

 

 

 

Hvar er Dimissio?

DimissioV2018 Frett1Föstudaginn 4. maí buðu væntanlegir útskriftarnemendur til hátíðar á sal þegar komið var að dimissio þessa önnina.

Þá kveður útskriftarhópurinn kennara og nemendur skólans með ýmis konar uppákomum. Að þessu sinni var hópurinn klæddur eins og hinn alræmdi Valli sem aldrei finnst.

Hópurinn byrjaði á því að borða morgunverð í boði mötuneytisins.  Það er orðin hefð fyrir því að á dimissio sé boðið upp á stuttmynd um lífið í skólanum og þar var m.a. fjallað um kosningaþátttöku og óvenjulegan mat í mötuneytinu.  Að lokinni kvikmyndasýningunni fór fram verðlaunaafhending en þar fékk útskriftarhópurinn langþráð tækifæri til að veita kennurum sínum viðurkenningar fyrir frammistöðu sína. Þar komu m.a. við sögu skemmtilegasti kennarinn, fyndnasti kennarinn, vinkonan, kóngurinn og drottningin og fleiri.  Það vakti svo sérstaka ánægju að umsjónarmennirnir Jón og Sigurður voru valdir par skólans.  Hápunkturinn var svo þegar besti kennarinn var valinn og varð Kristjana Hildur Gunnarsdóttir íþróttakennari, betur þekkt sem Kiddý, fyrir valinu að þessu sinni.

Um kvöldið var síðan hin svokallaða síðasta kvöldmáltíð en þá borða útskriftarnemendur og starfsfólk skólans saman og gera sér glaðan dag.

Hér er myndasafn frá Dimissio.

DimissioV2018 Frett2

DimissioV2018 Frett3

DimissioV2018 Frett4

SFR2014 SFR2015 SFR2016 SFR2017 SFR2018
    Heilsueflandi