Virðing-Samvinna-Árangur

Read in english  EnglishVeftré - Skrifstofa

 

 

 

MYL-6036

Lokaverkefni
Fyrirkomulag áfangans miðast við að nemendum gefist kostur á að velja um lokaverkefni á myndlistarbraut, eftir áhugasviði hvers og eins. Viðfangsefni nemenda geta tengst ákvörðunum þeirra um val á framhaldsnámi. Nemendur hafa völ á að dýpka skilning sinn á miðlum sem þeir hafa áður kynnst, svo sem teikningu, málun og skúlptúr (þrívíddarvinnu), eða kynnast nýjum, t.d. grafík, tölvuteikningu, myndbandagerð o.fl. eftir því sem aðstæður leyfa. Nemandi skal í upphafi áfangans gera lýsingu á verkefni sínu ásamt áætlun um framkvæmd og leggja fyrir kennara sinn.

Fjöldi einstakra verka, sem skila þarf, er breytilegur eftir miðlum en umfang lokaverkefna að öðru leyti sambærilegt. Kröfur um hugmyndaauðgi, listræna framsetningu og frágang eru hinar sömu. Skrifleg greinargerð skal fylgja lokaverkefni við skil þess þar sem fram koma forsendur fyrir vali á viðfangsefni, hugmyndir að baki verkinu, lýsing á þróunarferli þess og afstaða höfundar til niðurstöðunnar, t.d. hvort eða að hve miklu leyti fyrir fram ákveðnum markmiðum var náð.

  • Undanfari: MYL 504
SFR2014 SFR2015 SFR2016 SFR2017 SFR2018
    Heilsueflandi