Virðing-Samvinna-Árangur

Read in english  EnglishVeftré - Skrifstofa

 

 

 

UMH-1036

Umhverfisfræði
Í áfanganum er fjallað um markmið og hugmyndafræði sjálfbærrar þróunar með hliðsjón af helstu samningum og fjölþjóðasamþykktum sem lúta að umhverfismálum og leitast við að veita yfirlit yfir helstu umhverfisvandamál sem við er að etja bæði á heimsvísu og hér á Íslandi.
Fjallað verður um ólíkar aðferðir við að leggja mat á verðmæti náttúru og umhverfis og um vistvænar framleiðsluaðferðir og lifnaðarhætti. Helstu kenningar innan náttúrusiðfræði verða kynntar og sú þekking m.a. lögð til grundvallar nánari greiningu á því hvernig náttúran getur birst mönnum með ólíkum hætti. Fjallað verður um þátt náttúrunnar í bókmenntum og listum á Íslandi, hvernig náttúra og menning hefur fléttast saman á ólíka vegu á liðnum öldum og hvaða þættir ráða mestu um náttúrusýn samtímans. Gerð verður grein fyrir helstu hugtökum umhverfishagfræðinnar og rætt um skilyrði eða möguleika þess að aukinn hagvöxtur og aukin umhverfisvernd geti farið saman. Þá verður fjallað um helstu hagstjórnartæki sem nota má í þágu umhverfisverndar og um mismunandi leiðir til að leggja mat á arðsemi og kostnað framkvæmda.
  • Undanfari: NÁT 103, NÁT 113 og NÁT 123
SFR2014 SFR2015 SFR2016 SFR2017 SFR2018
    Heilsueflandi